बारामती : बॅनरबाजी व इतर वायफळ खर्चाला फाटा देऊन बारामती तालुक्यात सध्या चालू असणाऱ्या साथीच्या आजारांमुळे बारामती ब्लड बँकेला असणारी रक्ताची गरज लक्षात घेऊन पणदरे पंचक्रोशीतील तरुणांनी सामाजिक बांधिलकीची जाणीव ठेवून रक्ताच्या 300 बाटल्यांचे संकलन केले.

पणदरे गावामध्ये सामाजिक कार्यामध्ये सक्रिय असणाऱ्या स्वराज्य सोशल फाऊंडेशनने सालाबादप्रमाणे याही वर्षी शरद पवार व स्वराज्य सोशल फाउंडेशनचे अध्यक्ष युवा नेते स्वप्नीलअण्णा जगताप यांच्या वाढदिवसानिमित्त भव्य रक्तदान शिबिराचे आयोजन केले होते. तालुक्यातील रुग्णांना असलेली रक्ताची गरज लक्षात या महारक्तदान शिबिराचे आयोजन केले होते. त्यामध्ये मोठ्या प्रमाणात सहभाग घेऊन परिसरातील तरुणांनी सुमारे 300 रक्ताच्या बाटल्यांचे संकलन केले. या रक्तदान शिबिराचे उदघाटन गावातील महिलां प्रतिनिधींच्या हस्ते करून एक नवीन चांगला पायंडा घालण्यात आला.

या वेळी कार्यक्रमाला राष्ट्रवादी काँग्रेसचे बारामती तालुकाअध्यक्ष संभाजी होळकर, बारामती पंचायत समिती सभापती संजय भोसले, बारामती दूध संघाचे चेअरमन संदीप पाटील जगताप, बारामती नगरपरिषदेचे गतनेते सचिन सातव, स्वराज्य सोशल फाउंडेशनचे संस्थापक अध्यक्ष स्वप्नीलअण्णा जगताप, मोनिका जगताप, नवनिर्वाचित ग्रामपंचायत सदस्य व पणदरे गावातील सर्वच आजी - माजी ज्येष्ठ पदाधिकारी व महिला मोठ्या संख्येने उपस्तिथ होते. पणदरे पंचक्रोशीतील ग्रामस्थांकडून या विधायक उपक्रमाचे कौतुक होत आहे.

'ई सकाळ'वरील इतर महत्त्वाच्या बातम्या : 

• निसटलेला सूर पुन्हा जुळेल...  
• लाकडी खेळण्यांवर सावंतवाडीत संक्रांत
• 'गुजरात'मुळे राणेंच्या मंत्रिपदाला तूर्तास ब्रेक?
• 'दादां'च्या आंदोलनामुळे शहराला मंत्रिपद निश्‍चित
• बेळगावमध्ये आज ‘बस डे’
• असहाय मुलीला बालदिनी मिळाले ‘आप्तस्वकीय’
• खासगी बॅंकांही राबवणार राष्ट्रीय पेन्शन योजना
• पीक फवारणीसाठीही आता 'प्रिस्क्रिप्शन'!
• सोलापूरमध्ये ऊसदाराचा तिढा कायम
• शरद पवार घेणार डिसेंबरअखेरपर्यंत समितीचा मेळावा
• घामाच्या इतिहासात दरवळणारं स्मृतिमंदिर (उत्तम कांबळे)