सोशल मीडियावर अनेक व्हिडीओ येतात. काही मजेशीर असतात तर काही आश्चर्यचकीत करणारे असतात. अशात सातारा जिल्ह्यातील कराड तालुक्यात थक्क करणारा व्हिडीओ समोर आला आहे.

कराड तालुक्यातील वडगाव हवेलीत ड्रेनेजचे लिकेज काढण्याकडे ग्रामपंचायतीने दुर्लक्ष केल्याने एका शेतकऱ्याने ग्रामपंचायतमध्ये चक्क रेडा घुसवला. सध्या या घटनेचा व्हिडीओ व्हिडीओ सगळीकडे व्हायरल होतोय.

या संतापलेल्या शेतकऱ्याने थेट कार्यालयाच्या तिसऱ्या मजल्यावर रेडा नेला. आधी लिकेज काढा मगच रेडा खाली घेऊन जाणार अशी भूमिका त्याने घेतल्याचे व्हिडीओत तुम्हाला दिसेल.

व्हिडीओत तुम्हाला दिसेल की ड्रेनेजचे लिकेज काढण्याकडे ग्रामपंचायतीने दुर्लक्ष केल्याने एक शेतकरी इतका संतापला की त्याने चक्क रेडा आणला. खूर्चीवर बसून हा शेतकरी आपण तुम्ही लिकेज काढत नाही तोवर रेडा खाली घेऊन जाणार असं अधिकाऱ्याला फोनवर बजावून सांगतोय.

सध्या या घटनेचा व्हिडीओ ट्वीटरवर प्रचंड व्हायरल होत असून नेटकरी यावर वेगवेगळ्या मजेशीर प्रतिक्रिया देत आहेत.