Viral Satya : व्हॉट्सऍप ग्रुप ऍडमिनची ग्रुप मेंबरला पार्टी (Video)

Viral Satya : व्हॉट्सऍप ग्रुप ऍडमिनची ग्रुप मेंबरला पार्टी (Video)

व्हॉट्सऍप ग्रूपचा ऍडमिन पार्टी देत नाय म्हणून ग्रूपचे मेंबर ग्रूप ऍडमिनची गंमत करत असतात. पण, एका ग्रूपच्या ऍडमिननं ग्रूपमधील 250 मेंबरला एकत्र बोलावून पार्टीच दिली. मग काय, दिवस-रात्र व्हॉट्सअपवर मेसेजवर मेसेज फॉरवर्ड करणारे सगळे मेंबर पार्टीला हजर झाले. पार्टीमध्ये ओळखीचेही मित्र भेटले आणि नवीन मित्रही भेटले. 

व्हॉट्सऍपवर मेसेजने बोलणारे गप्प बसतील तर कसले. भेटल्यानंतर सगळेजण गप्पा मारत होते. कुणी सामाजिक कार्यकर्ता होता, तर कुणी राजकीय नेता, कुणी पत्रकार तर कुणी अधिकारी. वेगवेगळ्या क्षेत्रातील मंडळी एका ठिकाणी जमली होती. हे श्रेय जातं ते म्हणजे ग्रूप ऍडमिन प्रमोद पाटील यांना. प्रमोद पाटील यांनी पार्टीचं आयोजन केलं आणि ग्रूपमधील सगळ्या मेंबरला बोलावून घेतलं.

बुलडाणा जिल्ह्याच्या चिखली इथे राहणाऱ्या प्रमोद पाटील यांनी 6 वर्षांपूर्वी ग्रूप बनवला होता. ग्रूपच्या वाढदिवसाचं निमित्त साधून त्यांनी ग्रूपचा वाढदिवस केक कापून दणक्यात साजरा केला आणि सदस्यांना चुलीवरच्या मराठमोळ्या जेवणाची पार्टी दिली.

व्हॉट्सऍप ग्रूप फक्त टाईमपाससाठी नसून, त्या ग्रूपच्या माध्यमातून वेगवेगळ्या क्षेत्रातील माणसं जोडलेली आहेत. त्यामुळं कुण्या गरजूला मदत असे अनेक उपक्रम ग्रूपच्या माध्यमातून राबवले जातात. त्यामुळं सोशल मीडियाचा वाढता वापर पाहता नक्कीच सकारात्मक सदुपयोग बुलडाण्यात तरुणांनी केल्याचं पाहायला मिळालंय.


***************************************************************

आणखी वाचा  : 

***************************************************************

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com