रंगपचमीच्या सणाची प्रत्येकजण वर्षभर वाट पाहत असतो. या दिवशी आपल्या कुटुंबासमवेत भारतभरात मोठ्या उत्साहात लोकं रंगाचा खेळ खेळतात. सर्वसामान्यच नाही तर एरव्ही स्टायलिश राहणारे सेलिब्रिटीही रंगात काळे-निळे पडलेले आपण फोटोंच्या माध्यमातनं अनेकदा पाहिलं असेल. पण याला काही सेलिब्रिटी मात्र अपवाद आहेत बरं का. हे सेलिब्रिटी सिनेमात रंगपंचमी खेळताना इतके रंगून गेलेले आपण पाहिले असाल की त्यांना पाहून तुम्हाला त्याक्षणी हातात रंग असते तर आपणही म जा लुटली असती असं वाटायला लागलं असेल बहुधा. पण हेच पडद्यावर रंगपंचमी खेळणारे सेलिब्रिटी प्रत्यक्षात मात्र रंगापांसून,रंगपंचमी सणापासून दोन हात लांब राहतात बरं का. यामध्ये रणबीर कपूर,टायगर श्रॉफ,करिना कपूर खान,रणवीर सिंग यांचा समावेश आहे.

रणबीर कपूर

कपूर फॅमिलीत कशी होळी खेळली जाते हे आपल्या सर्वांनाच माहित असेल. लहानपणी रणबीरनंही आपले आजोबा राज कपूर यांच्या होळी पार्टीचा आनंद लुटलाच असेल. शिवाय 'ये जवानी है दिवानी' या सिनेमात दीपिकासोबत 'बलम पिचकारी' या रंगपंचमीच्या गाण्यावर ताल धरणारा रणबीर किती जणांना आवडून गेला असेल. ते गाणं पाहून वाटत होतं यानं काय मस्त या गाण्यात रंग खेळून धमाल केली असेल. पण ते सगळं फक्त सिनेमापुरतं बरं का. गेल्या अनेक वर्षांपासून रणबीर कपूरनं रंगपंचमी हा सण साजराच केला नाही. त्याला रंग आवडत नाहीत हे त्यामागचं कारण असल्याचं त्यानं एकदा मुलाखतीत सांगितलं

टायगर श्रॉफ

अॅक्शन करण्यात एक्सपर्ट असलेला टायगर श्रॉफ(Tiger Shroff) रंगपंचमी साजरी करत नाही. त्याला केमिकल रंगाची अॅलर्जी असल्यामुळे तो खूप घाबरतो. तसंच,रंगपंचमी या सणामुळे पाण्याचं मोठं नुकसान होतं असे देखील त्याला वाटते. त्यामुळेच तो रंगपंचमी सणापासून स्वतःला लांब ठेवणं पसंत करतो.

रणवीर सिंग(Ranveer Singh)

बॉलीवूड मध्ये रंगबिरंगी अतरंगी कपडे घालत मजा-मस्ती करणारा रणवीर धुळवडीपासून लांब राहतो. त्याला वाटतं रंगांमुळे आपण सगळीकडे घाण करतो. रस्ते काळे-निळे पडतात हे त्याला आवडत नाही.

करिना कपूर-खान(Kareena Kapoor Khan)

करिनानं आपले आजोबा राज कपूर यांच्या निधनानंतर होळी सण कधीच साजरा केला नाही. ती आजोबा असताना रंगपंचमी पार्टीत खूप धम्माल करायची पण आजोबांच्या जाण्यामुळे करिनाने जाणीवपूर्वक स्वतःला या सणापासून दूर ठेवलं आहे.

कृति सनन

कृतीला देखील होळी हा सण आवडत नाही. ती लहानपणी घरी रंगपंचमी साजरी करायची. पण आता तिला रंगांचा खेळ आवडत नाही. फक्त फिल्म प्रमोशनसाठी एकदा तिनं हाताला अनेक वर्षांनी रंग लावून फोटो शूट केलं होतं.

जॉन अब्राहम(Joh Abraham)

जॉन अब्राहमला केमिकल रंग आवडत नाहीत. हे रंग माणसांसोबत निसर्गाचंही नुकसान करतात असं त्याचं म्हणणं आहे. त्यामुळे तो नेहमी आपल्याला या दिवशी घरात बंदिस्त करून घेतो.