bollywood news : बॉलीवूड मध्ये कायमच चर्चेत असलेले आणि आपले आयुष्य निर्भीडपणे जगासमोर ठेवणारे मलायका अरोरा (malaika arora) आणि अर्जुन कपूर (arjun kapoor) यांच्याकडे सर्वांचेच लक्ष लागलेले असते. ते कधी एकत्र येतात, कुठे जातात अशा सर्व घडामोडी बारकाईने टिपल्या जातात. किंबहुना त्याबाबत ते दोघेही समाजमाध्यमांवर माहिती देत असतात. परंतु दोन दिवसांपूर्वी एक छोटा अपघात मलायका अरोरो हिच्या गाडीला झाला. त्यामध्ये तिला किरकोळ दुखापत झाल्यानंतर या प्रसंगाने ती आणि अर्जुन कपूर अधिकच जवळ आले आहेत.

मलायका अरोरा हिच्या गाडीला शनिवारी अपघात झाला, या अपघातात ती किरकोळ जखमी झाली परंतु प्रसंगावधान दाखवून मनसेच्या कार्यकर्त्यांनी तिला रुग्णालयात दाखल केले. तिच्या प्रकृतीबाबत चिंता व्यक्त केली जात असतानाच ती बरी असल्याची वार्ता तिची बहीण अमृता अरोराने माध्यमांना दिली. सध्या मलायका घरी परतली असून तिला रुग्णालयात आणण्यासाठी तिचा प्रियकर अर्जुन कपूर गेला होता , अशी माहिती मिळाली आहे.

रविवारी तिला घरी आणण्यात आले. सोशल मीडियावर छायाचित्रे आणि व्हिडीओ व्हायरल झाल्याने ही बाब समोर आली. या व्हिडिओत मलायकाला तिच्या घरी सोडून प्रियकर अभिनेता अर्जुन कपूर स्वतःच्या घराकडे रावना होताना दिसला आहे.

मलायकाला रविवारी रुग्णालयातून डिस्चार्ज देण्यात आला. त्यानंतर तीअर्जुन कपूरसोबत घरी परतली. तीच्या प्रकृतीतही बराच सुधार आहे.अशी खात्रीशीर माहिती माध्यमांनी दिली आहे. मलायकाची बहीण अमृता अरोरा देखील विचारपूस करण्यासाठी मलायकाच्या निवासस्थानी गेली होती. तिच्यासोबत तिचा पती शकील लडकही होता.

मलायका पुण्याहून मुंबईला परतत असताना २ एप्रिल रोजी पनवेल नजीकच्या फूड-मॉलजवळ सायंकाळी ४.४५ च्या सुमारास ही घटना घडली. एक बस आणि दोन कार यांची टक्कर झाली आणि त्यातील एक मलयकाच्या गाडीला धडकली, अशी माहिती पोलिसांनी दिली आहे.