निजामपूर-जैताणे (साक्री-धुळे) : माळमाथा परिसरातील जैताणे (ता. साक्री) येथे विश्व हिंदू परिषद व बजरंग दलातर्फे रामजन्मभूमीसाठी प्राणाचे संघर्षातील कोठारी बंधू व अशोक सिंघल यांच्या द्वितीय स्मृतिदिनानिमित्त शिवाजी रोडवरील डॉ. महेश ठाकरे यांच्या रुग्णालयात शनिवारी (ता. 18) सकाळी दहापासून सायंकाळी सहापर्यंत रक्तदान शिबीर घेण्यात आले. त्यात सुमारे 105 दात्यांनी रक्तदान केले. धुळे येथील अर्पण रक्तपेढीने रक्तसंकलन केले.

निजामपूर पोलीस ठाण्याचे सहाय्यक निरीक्षक दिलीप खेडकर, शिवसेनेचे प्रकाश पाटील, डॉ. महेश ठाकरे आदींच्या हस्ते भारतमाता व श्रीरामाच्या प्रतिमा पूजनाने रक्तदान शिबिराचे उदघाटन झाले. यावेळी सर्व रक्तदात्यांना आयोजकांतर्फे टी-शर्ट, प्रमाणपत्र व अल्पोपहार देण्यात आला. भविष्यात देशातील कोणत्याही गरजू रुग्णास रक्ताअभावी आपल्या प्राणास मुकावे लागू नये म्हणून हे शिबीर घेण्यात आले. दरवर्षी 2 नोव्हेंबरला विश्व हिंदू परिषद व बजरंग दलातर्फे देशभरातून एक लाख बॉटल रक्त संकलित केले जाते. त्याचाच एक भाग म्हणून हे शिबीर घेण्यात आले. त्याला परिसरासह दोन्ही गावांतून उत्स्फूर्त व उदंड प्रतिसाद मिळाला.

शिबिराच्या यशस्वीतेसाठी बजरंग दलाचे जिल्हा संयोजक विशाल विसपुते, सहसंयोजक ऍड. विशाल पिंपळे, जिल्हा आखाडा प्रमुख दिनेश बोरसे, विश्व हिंदू परिषद व बजरंग दलाचे स्थानिक कार्यकर्ते सदा महाजन, उमेश नेरकर, सतीश गवळे, प्रकाश मिश्रा, करण पवार, कमलेश भामरे, महेश खैरनार, धुळे येथील अर्पण रक्तपेढीचे पथकप्रमुख कैलास राठोड आदींनी परिश्रम घेतले.

'ई सकाळ'वरील इतर महत्त्वाच्या बातम्या : 

• निसटलेला सूर पुन्हा जुळेल...  
• लाकडी खेळण्यांवर सावंतवाडीत संक्रांत
• 'गुजरात'मुळे राणेंच्या मंत्रिपदाला तूर्तास ब्रेक?
• 'दादां'च्या आंदोलनामुळे शहराला मंत्रिपद निश्‍चित
• बेळगावमध्ये आज ‘बस डे’
• असहाय मुलीला बालदिनी मिळाले ‘आप्तस्वकीय’
• खासगी बॅंकांही राबवणार राष्ट्रीय पेन्शन योजना
• पीक फवारणीसाठीही आता 'प्रिस्क्रिप्शन'!
• सोलापूरमध्ये ऊसदाराचा तिढा कायम
• शरद पवार घेणार डिसेंबरअखेरपर्यंत समितीचा मेळावा
• घामाच्या इतिहासात दरवळणारं स्मृतिमंदिर (उत्तम कांबळे)