‘भेंद्र्याचा वाघ’ धमाल विनोदी अनुभव..!

कोल्हापूर : राज्य नाट्य स्पर्धेत बुधवारी हृदयस्पर्श सोशल ॲण्ड कल्चरल फाउंडेशनच्या टीमने नीलेश बोरकर लिखित ‘भेंद्र्याचा वाघ’ या प्रयोगाच्या निमित्ताने एक धमाल विनोदी अनुभव दिला. अगदी खरोखरच हौशी म्हणाव्या अशा टीमला घेऊन दिग्दर्शक पद्माकर कापसे यांनी हा दिमाखदार प्रयोग सादर केला. प्रेक्षकांचे निखळ मनोरंजन करणे, हाच प्रामाणिक हेतू या प्रयोगामागे होता.

गावात ‘एक गाव-बारा भानगडी’

भेंद्रे या गावात हे नाटक घडते. हे एक आटपाटनगर आहे आणि त्याचा भौगोलिक पत्ता कुणी विचारणार नाही व कुणी सांगणारही नाही. विशिष्ट काळात हे नाटक घडते, असेही नाही. बदललेले जग आणि भौतिक सुविधांची या गावाला कसलीच माहिती नाही. मात्र, ‘एक गाव-बारा भानगडी’ असेच हे गाव.

चांगल्या प्रयोगाठी कलाकारांची धडपड

इथला प्रत्येक माणूस इरसाल. त्यांच्यात घडणाऱ्या घटना, घडामोडी आणि त्यातच जेव्हा गावात दरोडेखोर घुसतो, तेव्हा रंजक कथा पुढे सरकत जाते. हौशी कलाकारांनी वठवलेल्या आपापल्या चोख भूमिका आणि एकूणच तांत्रिक बाबींचा सुरेख मिलाफ साधत, हास्याचा खळखळाट निर्माण करीतच या नाटकाचा प्रयोग रंगला. प्रयोग चांगलाच झाला पाहिजे, यासाठी संस्थेच्या प्रत्येक सदस्याची सुरू असलेली धडपडही वाखाणण्याजोगीच होती.

पात्र परिचय...
सुधाकर ढोकळे (विठ्या) , प्रसन्न माणगावकर (नान्या) , राम कलगुटगी (गणप्या) , आशिष भागवत (खरट्या) , प्रदीप माने (मारत्या) , सौरभ पोवार (बारक्‍या) , तुषार कुडाळकर (सरदार) , राकेश इंगवले (चिंचुक्‍या) , प्रकाश कोळी (आप्पा) , राधिका शर्मा (सावित्री) , अमरजा पाटील (कमळाक्का) , माधुरी फाटक (जनी) , जुई सोनटक्के (बकुळा).

  निर्माती, वेशभूषा : पद्मिनी कापसे
  दिग्दर्शक, संगीत : पद्माकर कापसे
  प्रकाश योजना :सुधीर अलगौडर
  रंगभूषा : सुनीता वर्मा
  नेपथ्य : राजेंद्र मगदूम

राज्य नाट्य स्पर्धेच्या बातम्या पाहण्यासाठी क्लिक करा -

‘देव हरवला’ चा अवघा खेळ झक्कास रंगला..

‘अंदाधुंद’ च्या प्रयोगातुन सत्ता नाट्याचा थरार 

‘हत्ती इलो रे मधून वेध लोकशाहीतील झुंडशाहीचा...! 

हूज अफ्रेड ऑफ व्हर्जिनिआ वूल्फ मधून सुंदर खेळाची अनुभूती 

नातीगोती मध्ये उलघडले मतीमंद अन् त्यांच्या पालकांचे भावविश्व 

‘तुघलक’ नाटकाचा देखणा प्रयोग 

‘विच्छा माझी पुरी करा’ तून चंदगडची पोरं हुश्शारचा संदेश 

‘लग्न शांतूच्या मेहुणीचं’ अस्सल ग्रामीण बाजातील नाटक 

‘थिंक पॉईंट’ नाटकात घेतलाय या प्रश्नांचा वेध 

एका फक्कड प्रयोगाची अनुभूती नटरंगने दिली 

राज्य नाट्य स्पर्धेत प्रथमच यांची दमदार एंट्री