Akola Agriculture News Farmers will get Rs 17 crore for damage caused by untimely rains
Akola Agriculture News Farmers will get Rs 17 crore for damage caused by untimely rains 
अकोला

शेतकऱ्यांना मिळणार अवकाळी पावसाने झालेल्या नुकसानाचे 17 कोटी रुपये

सकाळ वृत्तसेवा

अकोला : जिल्ह्यात  फेब्रुवारी २०२० ते मे २०२० या कालावधीमध्ये झालेल्या गारपीट व अवकाळी पावसाने शेतीपिकांचे मोठ्या प्रमाणात नुकसान झाले होते. यामध्ये ११ हजार २२२ हेक्टरवर क्षेत्र बाधित झाल्याचा अहवाल विभागीय आयुक्तांकडे जिल्हाप्रशासनाने सादर केला होता.

त्यानुसार नुकसानग्रस्त शेतकऱ्यांसाठी शासनाकडून १७ कोटी ४३ लाख १९ हजार रुपयांची मदत मंगळवार ता.२३ रोजी जिल्हा प्रशासनाला प्राप्त झाली असून, लवकरच शेतकऱ्यांच्या खात्यात रक्कम वर्ग करण्यात येईल.


गतवर्षी जिल्ह्यात जिरायती व बागायती पिकांना अवकाळी पावसाचा फटका बसला याचा उत्पादनावर मोठा परिणाम झाला.त्यातच गतवर्षी फेब्रुवारीमध्ये आलेल्या अवकाळी पाऊस व गारपिटीने शेतकऱ्यांच्या हातातोंडाशी आलेला घास निसर्गाने हिरावून घेतला यामध्ये जिरायती तूर, हरभरा पिकांचे मोठ्या प्रमाणात नुकसान झाले.तर झाडांची पडझड,बगीचातील फळ गळून पडल्याने बागायती शेतीचे सुद्धा मोठ्या प्रमाणात नुकसान झाले होते.त्यामुळे नुकसानग्रस्त क्षेत्राचे संयुक्त पंचनामे करण्याचे आदेश जिल्हाधिकारी जितेंद्र पापळकर यांनी दिले होते.त्याअंतर्गत जिल्ह्यातील नुकसानीचे संयुक्त पंचनामे करण्यात आल्यानंतर शासनाकडे मदतीची मागणी करण्यात आली होती.दरम्यान १७ कोटी ४३ लाख १९ हजार रुपये जिल्हा प्रशासनाला मिळाले असून सदर निधीचे विभाजन करुन ते तहसीलदारांच्या खात्यात वळती करण्यात आल्यानंतर प्राप्त निधी शेतकऱ्यांच्या खात्यात जमा करण्यात येणार आहे.यासाठी जिल्हा प्रशासनाची युद्धपातळीवर कार्यवाही सुरू आहे.

हेही वाचा - जी.श्रीकांत गेले ; राहुल रेखावार महाबीजचे नवे एमडी

असा आहे तालुकानिहाय मदतनिधी
तालुका रक्कम
अकोला २ कोटी ६ लाख ९८ हजार
बार्शीटाकळी १८ हजार
अकोट ९कोटी ३५ लाख १८ हजार
तेल्हारा २ लाख ४८ हजार
बाळापूर ३ कोटी ४३ लाख ८१ हजार
मूर्तिजापूर २ कोटी ५४ लाख ५४ हजार
..................................
एकूण १७ कोटी ४३ लाख १९ हजार

अशी मिळणार मदत!
जिल्हा प्रशासनाला मंगळवारी मिळालेल्या निधीची रक्कम लवकरच नुकसानग्रस्त शेतकऱ्यांच्या खात्यात जमा होणार आहे.मिळणारी रक्कम ही बहुवार्षिक फळपिकांसाठी हेक्टरी १८ हजार तर बागायती पिकांसाठी १३ हजार पाचशे तर जिरायती पिकांसाठी ६ हजार ८०० रुपये प्रमाणे राहील नुकसानग्रस्त शेतकऱ्यांच्या याद्या तालुका प्रशासनाकडे तयार आहेत.त्यामुळे लवकरच मदत खात्यात जमा होणार आहे.

अकोला, बुलढाणा, वाशिम जिल्ह्यातील ताज्या बातम्या - क्लिक करा

संपादन - विवेक मेतकर

अधिक वाचा - 

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Prajwal Revanna: प्रज्वल्ल रेवण्णाविरोधातील फास आणखी आवळला! निघालं अटक वॉरंट

IPL 2024 RCB vs CSK Live Score: बेंगळुरूला दुसरा धक्का! अर्धशतकानंतर डू प्लेसिस आऊट, पण विकेटमुळे झाला ड्रामा

CAA Beneficiary: आधी सीएएची प्रमाणपत्रं वाटली आता तेच लाभार्थी थेट मोदींसोबत स्टेजवर!

Video: 'सिग्मा मेल' म्हणून केलं रोस्ट, धमकी मिळाल्यावर कॅरी मिनाटीने टेकले गुडघे, काय होतं व्हिडिओमध्ये? पाहाच

MI vs LSG: मुंबईच्या पराभवानंतर रोहितबरोबर नीता अंबानींची आधी गहन चर्चा अन् मग ड्रेसिंग रुममध्ये दिलं स्पेशल मेडल, Video व्हायरल

SCROLL FOR NEXT