सावंतवाडी : होडावडा येथील निसर्गमित्र मंगेश माणगावकर यांच्या बागेत बेडूक, किटक, पक्षी, फुलपाखरे यांचा मुक्त संचार पाहावयास मिळत आहे. माणगावकर गेली 12 वर्षे बेडूक संवर्धनाचे काम करीत आहेत. विशेष म्हणजे मलबार ग्लायडिंग फ्रॉगही त्यांच्या बागेत पाहावयास मिळत आहेत.

होडावडासारख्या छोट्या खेड्यात राहूनही बागेत किटक संवर्धन करण्याची किमया गावातील मंगेश माणगावकर यांनी केली. निसर्गाविषयी मोठी आवड असलेल्या श्री. माणगावकर यांनी आपल्या बागेत किटक व छोट्या प्राण्यांचे संवर्धन केले आहे. गेल्या वर्षीपासून आंबोलीत आढळणारे मलबार ग्लायडिंग फ्रॉगही त्यांच्या बागेत पाहावयास मिळत आहेत. गेल्या वर्षी पूर्ण हंगामात मलबार ग्लायडिंग फ्रॉगनी 14 फोमनेस्ट तयार केली होती; तर या हंगामात पहिल्या दोन महिन्यांत 34 फोमनेस्ट तयार केली आहेत. यामागे श्री. माणगावकर यांनी मोठी मेहनत घेतली आहे. यावरून हे बेडूक या बागेत चांगले स्थिरावल्याचे दिसून येत आहे.

बेडकासाठी बागेत चार तळी (पॉण्ड) तयार केली असूून, त्यात संरक्षण व खाद्य पुरविले जाते. यातील महिनाभरातील पिले मोठी होऊन नैसर्गिक अधिवासात जातात. या बागेत बुल फ्रॉग, बलूल फ्रॉग, बलुइंग फ्रॉग, कॉमन फ्रॉग, क्रिकेट फ्रॉग, स्कीटरिंग फ्रॉग, मलबार ग्लायडिंग फ्रॉग, टोड अशा विविध जाती पाहायवास मिळतात. आतापर्यंत पर्यावरणप्रेमी, अभ्यासू विद्यार्थी, प्राणी व वनस्पती शास्त्रज्ञांनी बागेला भेट दिली असून, ते बेडूक, पक्षी, किटक यांची छायाचित्रे काढून ती आपल्या कॅमेऱ्यात कैद करीत आहेत.

'ई सकाळ'वरील इतर महत्त्वाच्या बातम्या :

• 'गुलजार' रचना 
• वारज्याच्या जखमी गिर्यारोहकाला लेहमधून आज चंडीगडला 
• आणणारभाजपचे आता 'लक्ष्य 350'; शहा यांची निवडक मंत्री, पदाधिकाऱ्यांशी चर्चा 
• राहुल आजकाल केवळ त्रागाच करतात : प्रसाद 
• पुण्याकडून पहिले फुफ्फुसदान
• राणेंची कॉंग्रेसमधून आवराआवर
• पूर्वी माफी देऊनही शेतकरी कर्जबाजारी कसा? - मुख्यमंत्री
• कोमेजल्या जिवांना 'रयत'ची संजीवनी
• कोकण मार्गावरील खड्ड्यांची 22 ऑगस्टपर्यंत दुरुस्ती