एसएस राजामौली यांचे सिनेमे बॉक्स ऑफिसवर दमदार कमाई करतात. त्यांचा 'बाहुबली द बिगिनिंग' त्यानंतर 'बाहुबली 2' ने सर्व रेकॉर्ड तोडले. आता एसएस राजामौली यांच्या आगामी 'RRR'ने असाच आणखी एक रेकॉर्ड केलाय. रिलीजपूर्वीच 750 कोटींची कमाई करत या चित्रपटाने 'बाहुबली 2'लाही मागे टाकले आहे. या चित्रपटात आलिया भट्ट (Alia Bhatt), अजय देवगण (Ajay Devgan), राम चरण (Ram Charan) आणि ज्युनियर एनटीआर (Jn NTR) हे प्रमुख भूमिकेत आहे. (RRR earned 750 crores before its release)
RRR' चित्रपटाबाबत चाहत्यांमध्ये प्रचंड उत्सुकता आहे. प्रेक्षकांना चित्रपटाच्या तिकिटांची चिंता करावी लागू नये, यासाठी निर्मात्यांनी या चित्रपटाची प्री-बुकिंग 22 मार्चपासून सुरू केली होती. तर आता 'RRR' ने प्री-बुकिंग आणि राइट्सच्या माध्यमातून जवळपास 750 कोटींची कमाई केल्याची माहिती समोर आली आहे. चित्रपट रिलीज होण्यापुर्वीच 750 कोटींची कमाई हे चित्रपटासाठी मोठं यश म्हणता येईल.
उत्तर भारतातील सर्व भाषांमध्ये या चित्रपटाचे वितरण, डिजिटल आणि सॅटेलाइट हक्क विकत घेतले असल्याने उत्तर भारतातील थिएटरमधून 150 कोटी आणि इतर सर्व भाषांच्या थिएटर मधून 250 कोटी कमावण्यात आले. सोबतच RRR'चा व्यवसाय सर्व भाषांमधून 520 कोटी रुपयांचा झालाअसल्याने एकूण कमाई जवळपास 800 कोटींवर गेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.