माढा, ता. : सहकारी कारखान्याच्या अध्यक्षाने स्वत:ची व कुटुंबातील सदस्यांची पाच कोटी 76 लाख रुपयांची मालमत्ता बँकेकडे सहतारण ठेवून शेतकऱ्यांची तीन कोटी 64 लाख 98 हजार 944 रुपयांची उसाची एफ.आर.पी. देऊन साखर कारखानदारांपुढे एक नवा आदर्श घालून दिला आहे. 

माढा तालुक्यातील पिंपळदरा - पडसाळी येथे असलेल्या श्री संत कुर्मदास सहकारी साखर कारखान्याचे संस्थापक अध्यक्ष माजी आमदार अॅड. धनाजीराव साठे यांनी यांच्या कारखान्यापुढील आर्थिक अडचणींमुळे सन 2014 -15 व सन 2015 - 16 या गळीत हंगामातील एफ.आर.पी. पैकी काही रक्कम शेतकऱ्यांना दयायची राहिली होती. शेतकऱ्यांची ही एफ.आर.पी. देण्यासाठी कारखान्याचे अध्यक्ष साठे यांनी आपली कुटुंबातील सदस्यांची पाच कोटी 76 लाख रूपयांची मालमत्ता बँकेकडे तारण ठेवून शेतकऱ्यांना एफ.आर.पी. देण्याचा मार्ग मोकळा केला.

साठे यांनी शेतकऱ्यांना दाखविलेल्या या सकारात्मक भावनेमुळे आज शेतकऱ्यांच्या खात्यात तीन कोटी 64 लाख 98 हजार 944 जमा झाले आहेत. शेतकरी व कारखानदार यातील मानवी संवेदनशीलतेचा धागा कसा असावा याचे आदर्श उदाहरण साठे यांनी घालून दिले असून स्वतः च्या मालमत्तपेक्षा शेतकऱ्याची एफ.आर.पी. महत्त्वाची असल्याचे साठे यांनी दाखवून दिले आहे.

'ई सकाळ'वरील इतर महत्त्वाच्या बातम्या : 

• बुलेट ट्रेनच्या शुभारंभापूर्वी रेल्वेची नामुष्की; राजधानी एक्सप्रेस घसरली
• दिल्ली विद्यापीठातील विजय हा राहुल गांधींना पाठिंबा: माकन
• 'सोवळे प्रकरणा'वरून पुण्यात मराठा बहुजन मोर्चा निघणार
• उंदराने कुरतडले मृतदेहाचे नाक अन्‌ दोन्ही डोळे
• माजलगाव: माजी उपनगराध्यक्षांच्या घरी चोरी
• कर्जमाफीच्या अंमलबजावणीसाठी प्रशासनाचे वरातीमागून घोडे 
• 'डीजे'साठी सासरच्यांनी केला विवाहितेचा छळ; गुन्हा दाखल
• अडीच वर्षांच्या चिमुरड्याला शिक्षिकेची अमानुष मारहाण