भाताची पेरणी, लावणी कशी करतात हे आपण पाहिल आहे. पण, आता शेतकरी विमानातून भात पेरणी करत आहेत. ही भात पेरणी बघा भलतीच वेगळी आहे. या छोट्याश्या विमानात भात ठेवण्यासाठी स्वतंत्र कप्पा तयार करण्यात आलाय. मग हे विमान आकाशात झेपावलं की आपल्याला ज्या ठिकाणी भात पेरणी करायचीय तिथे विमानातून भात पेरला जातो.
या विमानात दोन ते तीन व्यक्ती आहेत. या शेतकऱ्याकडे शंभर ते दीडशे एकर जमीन आहे. इतक्या मोठ्या शेतात भात पेरणी करणं म्हणजे एक दोन दिवसाचं काम नव्हे. मजूर आणि एक महिन्याचा कालावधी या शेतीसाठी लागू शकतो. त्यामुळंच शेतकऱ्यानं विमानासारखा पर्याय निवडला आणि विमानातून भाताची पेरणी केली. पेरणीसाठीचा भात भरण्यासाठी विमानात एक स्वतंत्र कप्पा तयार केला. या कप्प्यात भात भरल्यानंतर शेतकरी विमानासह आकाशात झेपावतो. विमानात लावलेल्या विशेष सेन्सरच्या सहाय्याने ही पेरणी केली जाते. या सेन्सरच्या हिरव्या लाईट पेटल्यानंतर तो बियाणे खाली सोडतो. लाल दिवे पेटल्यावर बियाणे खाली सोडण्याचे बटण बंद करतो. त्याची ही हवाई पेरणी कमी वेळेत जास्त काम करणारी ठरते.
हा सगळा प्रकार अमेरिकेतील कॅलिफोर्नियात पाहायला मिळाला. अमेरिकेतील भात शेतीचे क्षेत्र मोठ मोठे आहेत. त्यामुळं मशीनच्या सहाय्यानं भातशेती केली जाते. भात कापणीही तिथले शेतकरी मशीनच्या सहाय्यानं करतात. पण, विमानानं भात पेरणी करत असल्यानं हा विषय चर्चेचा बनला आहे.
******************************
******************************
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.