माजलगाव (जि. बीड)  :  तीन वर्षे सत्ता भोगूनही युती सरकारने केवळ खोटी आश्वासने देत जनतेला गाजर दाखवून त्यांची फसवणूक केल्याचा निषेध म्हणून काँग्रेसने आज (बुधवारी) शहरात 'गाजर वाटप आंदोलन' केले. शिवाजी चौकात झालेल्या आंदोलनादरम्यान काँग्रेस कार्यकर्त्यांनी नागरिकांना गाजर वाटून सरकारचा निषेध व्यक्त केला. 

मुख्यमंत्री देवेंद्र फडणवीस यांनी मोठा गाजावाजा करून केलेली कर्जमाफीची घोषणा, शेतकरी, मध्यम व्यापारी, कामगार, शेतमजूर, सुशिक्षित बेरोजगार तरुणांचे फोटो छापून केलेल्या “मी लाभार्थी”च्या खोट्या व फसव्या जाहिराती करून जनतेला गाजर दाखविले आहे, असे म्हणत भाजप सरकारच्या विरोधात राष्ट्रीय काँग्रेस पक्षाच्या कार्यकर्त्यांनी आज सकाळी शहरात गाजर वाटप आंदोलन केले.

आंदोलनादरम्यान काँग्रेस कार्यकर्त्यांनी रस्त्याने येणाऱ्या-जाणाऱ्या नागरिकांना गाजराचे वाटप करून सरकारचा निषेध व्यक्त केला. या आंदोलनात काँग्रेसचे तालुकाध्यक्ष नारायण होके, शहराध्यक्ष शेख अहमद, अ‍ॅड. इनामदार, विजय अलझेंडे, विजय साळवे आदी सहभागी झाले होते. 

'ई सकाळ'वरील इतर महत्त्वाच्या बातम्या : 

• मुख्यमंत्री फडणवीस अन् अजित पवार सोबत प्रवास करतात तेव्हा...
• पोशिंद्याचा एल्गार (अग्रलेख)  
• 'ही' खबरदारी घेतली असती तर आठ जीव वाचले असते...
• सुवर्णसौधवर ‘लाख मराठा’
• शिवसेनेपुढे भाजपचे नमते
• मराठा आरक्षणासाठी 29 नोव्हेंबरला बैठक
• रेशन दुकानातून तूरडाळ स्वस्तात 
• कर्जामुळे कुटुंब संपविण्याचा शेतकऱ्याचा प्रयत्न
• सराईत गुंडाचा आकुर्डीत खून