तुम्ही जर ही बातमी पाहिली तर तुमच्याही तळपायाची आग मस्तकात गेल्याशिवाय राहणार नाही. 5 महिन्यांचं हे बाळ, बिचाऱ्या या बाळाला काय कळणार पण, पैशांच्या हव्यासापोटी तस्करानं काय केलंय बघा. सामानाप्रमाणेच या बाळाला प्रवासी बॅगेत कोंबलंय. बॅगेत बाळाला काही त्रास होऊ नये म्हणून बाजूला कपडे ठेवले. इतकंच नव्हे तर बाळाच्या डोक्यावर दोन छोटे छोटे स्टीलचे ग्लास ठेवले होते. आपल्यासोबत नक्की काय घडतंय? आपण कुठे आलोय? हे बाळाला काहीच कळत नव्हतं. बिचारं घाबरलेलं बाळ शांतपणे बॅगेत पडून होतं.
हा सगळा उपद्याप करून मानवी तस्करानं पाकिस्तानच्या कराचीतून दुबईपर्यंत सहज विमान प्रवास केला. इथंपर्यंत त्याला कुणीही विचारलंही नाही आणि आडवलंही नाही. सगळा प्लान याचा यशस्वी होत होता. पण, दुबईच्या एअरपोर्टवर मात्र, तस्कराची युक्ती त्याच्या अंगलट आली. सुरक्षा रक्षकांनी तस्कराची तपासणी केली आणि बॅग उघडली त्यावेळी तस्कराचा काळा चेहरा उजेडात आला. बिचारा हा चिमुरडा निरागसपणे बॅगेत पडून होता. पैशांसाठी तस्कर कोणत्या थराला जाऊ शकतील याचं हे जिवंत उदाहरण. पाकिस्तानच्या कराची एअरपोर्टवर जर बॅगेची नीट तपासणी केली असती तर बाळ दुबईपर्यंत पोहोचलं नसतं. पण,सुरक्षा रक्षकांनाही गंडवून तस्करानं बाळाला पळवलं. मात्र, बाळाचं नशीब चांगलं म्हणून तस्करी होण्याआधीच तस्कराला पोलिसांनी ताब्यात घेतलं.
आता 5 महिन्यांच्या बाळाची सुखरुप सुटका झाली आहे. हे बाळ बॅगेत गुदमरलं असतं तर काय झालं असतं याचा विचार न केलेलाच बरा. पण, पैशांसाठी तस्कर कुणाच्याही जीवावर उठू शकतात हे या घटनेतून पाहायला मिळालंय.
***************************************************************
आणखी वाचा :
***************************************************************
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.