एका कात्रीनं केस कापणं म्हणजे तुम्हा आम्हाला सहज जमेल...पण, 8 कात्र्या हातात पकडून केस कापणं तसं सोप्पं काम नाही...मात्र, या व्यक्तीच्या हातात1, 2, 3, 4, 5, 6, 7 8 कात्र्या यांच्या हातात आहेत...चक्क एका हातात आठ आठ कात्र्या पकडून ही व्यक्ती हेअर स्टाईल करतेय. हटके हेअर कटिंग करणाऱ्या या अवलियाचं नाव आहे प्रशांत खरे. प्रशांत लायटर आणि मेणबत्तीच्या आगीनं हेअर सेटिंगही करतात. प्रशांतच्या या मेथड्स ग्राहकांच्या पसंतीला उतरल्या आणि बघता-बघता पिंपरी चिंचवडमध्ये ते फेमस झाले आहेत.
हेअर स्टाईल आणि हेअर स्टाईल करण्यासाठी वापरल्या जाणारी पद्धत यामुळंच प्रशांत खरे प्रसिद्ध झाले आहेत. आधी सलूनमध्ये सहज जरी आलं तरी तासभरात केस कापून व्हायचे. पण, त्यांच्या हटके स्टाईलमुळं आता सलूनमध्ये केस कापण्यासाठी यायचं झाल्यास 2 ते 3 दिवस आधी अपॉइंटमेंट घ्यावी लागते.
प्रशांत खरेंनी हेअर स्टाईल ऍण्ड कटिंगमध्ये डिप्लोमा केला. पण आठ कात्रीने केस कापणे, लायटर-मेणबत्तीच्या आगीने हेअर सेट करणे या पद्धती ते स्वत: अनुभवातून शिकले आहेत. इतरांपेक्षा काहीतरी वेगळं करत असल्यानं प्रशांतच्या सलूनमध्ये मोठ्या संख्येनं ग्राहक येत असतात.
हटके स्टाईलने केस कापणे, ग्राहकांना वेगळं काहीतरी करून दाखवणं अशी कला सर्व सलूनमध्ये पोहचवण्याचा मानस प्रशांतचा आहे. त्यामुळं भविष्यात तुम्ही जात असलेल्या सलूनमध्ये केस कापण्याची अशी स्टाईल पाहिली तर आश्चर्य वाटून घेऊ नका.
******************************
आणखी वाचा :
******************************
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.