रात्रीच्या अंधारात बिबट्या सावज हेरण्यासाठी फिरत होता. चोर पावलांनी वस्तीत शिरून कुत्र्याची शिकार करण्याचा त्याचा प्लॅन होता. पण, या बिबट्याचा प्लॅन फसला आणि त्याची पळताभुई थोडी झाली. आता तुम्हीच बघा. चोर पावलांनी हा बिबट्या कुत्र्याची शिकार करण्याच्या प्रयत्नात होता. पण, धाडसी कुत्र्यांनी या बिबट्याच पळवून लावलं. बलाढ्य बिबट्याला हा कुत्रा नडला आणि बिबट्याला वस्तीतून पळवून लावलं. हा सगळा प्रकार परिसरात लावलेल्या सीसीटीव्हीत कैद झालाय. रात्रीच्या वेळी हा बिबट्या वस्तीत शिरला होता. पण, घराची राखण करत असलेल्या कुत्र्यांनी या बिबट्याला पळवून लावलं.
हा सगळा प्रकार नाशिकच्या बार्न्स स्कूल परिसरात घडलाय. मध्यरात्रीच्या सुमारास रेणूका माता सोसायटीत हा धक्कादायक प्रकार घडला. बांधकाम व्यायवसायिकाने दोन पाळीव कुत्रे पाळले आहेत. रात्रीच्या वेळी बिबट्यानं सोसायटीत प्रवेश केला पण, कुत्र्यांनी बिबट्याचा पाठलाग केला. त्यामुळं बिबट्याचा सगळा प्लान फसला.
असाच एक व्हिडीओ व्हायरल होत आहे. कुत्रा घराबाहेर झोपलेला होता. त्यावेळी बिबट्यानं कुत्र्यावर हल्ला करण्याचा प्रयत्न केला. मात्र, कुत्र्याला जाग आली आणि बिबट्याची फजिती झाली. कुत्र्यानं बिबट्याच्या तावडीतून पळ काढला आणि आपला जीव वाचवला. हा व्हिडीओ नाशिकच्या देवळाली भागातील असल्याचं बोललं जातंय. पण, रात्रीच्यावेळी बिबट्यांचा वावर वाढल्यानं नाशिकमध्ये दहशतीचं वातावरण निर्माण झालंय.
*****************************
आणखी वाचा :
******************************
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.